أحمد حلمي يرد على مقابلته ميسي: أنا لم أخدعكم
نفى الفنان المصري أحمد حلمي ما قيل بشأن قيامه بمقابلة النجم الأرجنتيني ليونيل ميسي.
حلمي قال في بيان نشره عبر حسابه بموقع التواصل الاجتماعي «فيس بوك»: «يا أصدقائي وصديقاتي الأعزاء، أنا مقولتش إني قابلت ميسي ولا حتى شفته، وأنا قولت ده إعلاني الجديد مع ليونيل ميسى، إنما كل واحد مننا صور الجزء بتاعه في بلده، وده الطبيعي اللي بيحصل في الإعلانات اللي بيكون فيها كذا شخصية من جنسيات ودول مختلفة، ممكن تكون غلطتي إني موضحتش طريقة عمل الإعلان، بس ده لأني تخيلت أن دى حاجه ممكن تكونوا عارفينها».
الفنان المصري أضاف: «وعلى فكره في إعلانات كتير أجنبية أتصورت بالطريقة دى برضه، بس طبعا كله لازم يكون بالاتفاق والموافقة مع كل الأطراف اللي هتظهر فى الإعلان، يعنى كل واحد لازم يبقى عارف مين الشخصية اللي هاتظهر معاه فى الإعلان ولازم يكون موافق عليها كمان، وإلا كان بقى زمان كل واحد راح عمل إعلان لنفسه حط فيه كل نجوم العالم».
حلمي اختتم كلامه قائلًا: «على فكره أنا لما عملت الصفحة دى عملتها علشان أكون متواصل معاكوا، مش علشان اخدعوا، لان أخر حاجه ممكن اعملها فى حياتي هي أنى اخدعوا أو اضحك عليكوا، لأني قبل ما اخدعوا هاكون بخدع نفسي، أوعدكوا المرة الجاية فى إعلاني مع “جيمس بوند” هابقى دقيق اكتر من كده، ((مافيش إعلان مع جيمس بوند ولاحاجه، أنا بهزر لحسن تاخدوها بجد))، وكل سنه وانتوا طيبين».